Ел басшысы құттықтаумен қоса марапаттау туралы жарлыққа қол қойды.
Қазақстан Президенті Қасым-Жомарт Тоқаев қазақстандық теннисші Елена Рыбакинаны WTA маусымдық қорытынды турниріндегі жеңісімен құттықтап, оған мемлекеттік награда тапсыру туралы жарлыққа қол қойды.
«Бұл спорттық жеңісіңізге байланысты және елімізде теннисті дамыту мен оны насихаттауға қосқан зор үлесіңіз үшін Сізді “Барыс” орденінің III дәрежесімен марапаттау туралы Жарлыққа қол қойдым. Сізге амандық, мықты денсаулық және Қазақстан Республикасының игілігі жолындағы жаңа спорттық жетістіктер тілеймін!» — делінген құттықтауда.
Айта кетейік, Эр-Риядта өткен WTA маусымдық қорытынды турнирінің финалында рейтингте алтыншы орында тұрған Рыбакина әлемнің бірінші ракеткасы Арина Соболенконы 6:3, 7:6 есебімен сенсациялық түрде жеңді.
