Олимпиада-2026: Қазақстандық шаңғышы үздіктер қатарына іліге алмады

Уруов Мағжан

Сарапшы, спорт журналисі

Бүгін, 15:14

Бүгін Италияда өтіп жатқан қысқы Олимпиаданың бесінші жарыс күні өтуде. Әзірге еліміздің қоржынында жүлде жоқ.

Олимпиада-2026: Қазақстандық шаңғышы үздіктер қатарына іліге алмады

Сурет: спортшының жеке парақшасынан

Қазақстандық спортшы Шыңғыс Рақпаров Миланда (Италия) өтіп жатқан қысқы Олимпиада ойындарында сәтсіз өнер көрсетті.

Шаңғы қоссайысы бойынша жарыста ол трамплиннен секіру кезеңінде 87.9 ұпай жинап, 35-орынға тұрақтады.

Бұл сында үздік үштікке енген спортшылар:

Кристян Ильвес (Эстония) – 132.6 ұпай;
Томас Реттенеггер (Австрия) – 128.9 ұпай;
Ямамото Рёта (Жапония) – 127.8 ұпай.

Айта кетейік, шаңғы қоссайысы трамплиннен секіру мен шаңғы жарысын біріктіреді. Қорытынды нәтиже екі кезеңдегі көрсеткіштердің қосындысы бойынша анықталады.

Шыңғыс Рақпаров Норвегияда жаттығып, сонда тұрады. Спортшы Алматы қаласының тумасы.