Қазақстандық мәнерлеп сырғанаушы Михаил Шайдоров 2026 жылғы Олимпиада ойындарында алтын медаль жеңіп алды.
Қазақстан Президенті Қасым-Жомарт Тоқаев мәнерлеп сырғанаушы Михаил Шайдоровты қысқы Олимпиада ойындарының чемпионы атануымен құттықтады, деп хабарлайды Ақорданың баспасөз қызметі.
Құттықтау жеделхатында отандық спорт тарихындағы мәнерлеп сырғанаудан алғашқы алтын медаль – тарихи маңызы зор, орасан зор жетістік екені атап өтілген.
"Президент Михаилге жоғары шеберлігі мен жеңіске деген қайсарлығы үшін алғыс білдірді. Қасым-Жомарт Тоқаев спорт жанкүйерлері мен Қазақстанның барлық азаматтары спортшымыздың айтулы жетістігін мақтан тұтатынын ерекше атап өтті", — деп жеткізді Тоқаевтың баспасөз хатшысы Айбек Смадияр.
Сондай-ақ, Қасым-Жомарт Тоқаев Михаил Шайдоровты жетістігі үшін марапаттағаны хабарланды:
"Мемлекет басшысы Михаил Шайдоровты II дәрежелі „Барыс“ орденімен наградтау туралы шешім қабылдады, сондай-ақ жаттықтырушылар құрамына, Конькимен мәнерлеп сырғанау федерациясына және салалық министрлік басшылығына атқарған жұмыстары үшін алғыс білдірді.
Президент Олимпиада чемпионына амандық пен жаңа жеңістер тіледі", — делінген хабарламада.
Еске салайық, Михаил Шайдоров 2026 жылы Италияда өткен Олимпиада ойындарында ерлер арасындағы жеке сайыста "алтын" медаль жеңіп алды. Бұл медаль 1994 жылдан бері Қазақстан үшін қысқы Олимпиада ойындарындағы ең жоғары дәрежелі алғашқы жүлде болды.
