"Астана" шабандозы "Джиро д’Италия" додасының екінші кезеңінде топ жарды
XDS Astana Team беделді велокөпкүндікте жарқын нәтижеге жетті.
Томас Сильва мәреге бірінші келді
"Джиро д’Италия"-2026 велокөпкүндігінің екінші кезеңі Бургас — Велико-Тырново бағыты бойынша өтті. Шабандоздар бұл күні жалпы ұзындығы 221 шақырымды бағындырды.
Тартысты кезең қорытындысында XDS Astana Team командасының өкілі Гильермо Томас Сильва мәре сызығын бірінші болып кесті. Оның нәтижесі — 5 сағат 39 минут 25 секунд.
Үздік үштікке кімдер кірді?
Екінші орын Tudor Pro Cycling Team шабандозы Флориан Шторкқа бұйырды. Ал үздік үштікті Lidl — Trek командасының өкілі Джулио Чикконе түйіндеді.
Бұл нәтиже "Астана" командасы үшін маусымдағы маңызды табыстардың бірі болды.
XDS Astana Team шабандоздарының нәтижесі
Қазақстандық команда сапындағы тағы бір шабандоз Кристиан Скарони кезеңді төртінші орынмен аяқтап, команданың жалпы нәтижесін күшейтті.
XDS Astana Team өкілдерінің кезеңдегі көрсеткіші:
- Гильермо Томас Сильва — 1-орын
- Кристиан Скарони — 4-орын
- Харольд Мартин Лопес — 26-орын
- Диего Улисси — 52-орын
- Давиде Баллерини — 126-орын
- Арьен Ливинс — 127-орын