Ертең көкпардан Қазақстан мен Қырғызстан арасында матч өтеді.
Финалдық кездесу Астана іргесіндегі «Қазанат» ипподромында болады. Түске дейін яғни сағат 11:30-да қазақтың ұлттық спорты көкпардан бас жүлде сарапқа салынса, 16:30-да қырғыздың ұлттық спорты көкбөрі бойынша финалдық кездесу басталады. Осыған байланысты қазір қос елдің командалары дайындықтарын пысықтап жатыр. Айта кетейік, Түркияда өткен көшпенділер ойындарынан бастап көкпар да, көкбөрі де бөлек жарыс ретінде өтеді. Сәйкесінше медалдар жиынтығы да бөлек.
