Танымал бапкер «Ливерпульден» еткен соң бір жыл демалатынын айтқан еді.
Дортмундтық «Боруссия» мен «Ливерпуль» клубтарының бұрынғы бас бапкері Юрген Клопп «Ред Булл» жүйесінде футбол операцияларының жаһандық жетекшісі болады. Бұл туралы танымал журналист және инсайдер Кристиан Фальк X (бұрынғы Twitter) әлеуметтік желісінде хабарлады.
Ақпарат көзіне сүйенсек, Клопп бұл қызметке 2025 жылдың 1 қаңтарынан бастап кіріседі. Еске сала кетейік, Юрген Клопп өткен маусым аяқталғаннан кейін «Ливерпульден» кетті. Сол кезде неміс маманы алдағы жылы футболдық қызметтен үзіліс алып, демалатынын жариялаған еді.
