Қазақстандық мәнерлеп сырғанаушының үздік ондық қатарынан көрінуіне бір саты жетпей қалды.
Мәнерлеп сырғанаудан Қазақстан құрамасының өкілі Михаил Шайдоров әлемдік рейтингіде жоғарылады.
Ұлттық олимпиада комитеті келтірген мәліметі бойынша, рейтинг тізімі жаңарғаннан кейін отандық спортшы 13-орыннан 11-орынға көтерілген. Оған жуырда Астанада өткен Денис Тен мемориалындағы жеңісі себеп болды. Алтын жүлде Шайдаровқа 300 ұпай әкелді.
Рейтинг көшін америкалық Илья Малинин бастап тұр. Екінші орында франциялық Сяо Хим Фа болса, үздік үштікті Као Миура түйіндеп тұр.
