Пилоттық жоба Қарағанды мен Ақтөбеден бастау алады.
Елде балалар мен жасөспірімдер спортын қаржыланду жүйесі өзгереді. Енді жан басына қарай ақша бөлінеді. Осылайша, спорт мектептері әдеттегі қаржыландыру түрінен бас тартады.
Пилоттық жобаны келер жылы Қарағанды мен Ақтөбеде енгізу көзделіп отыр. Жаңа механизмнің тиімділігіне Туризм және спорт вице-министрі Серік Жарасбаев тоқталды.
«Сметалық қаражаттан жан басына бөлу қаражатына көшеміз деп жатырмыз. Ол не береді? Біріншіден, сол қаражаттың өсуін береді. Қазіргі уақытта бүкіл қаражат есептеліп, қаржы министрілігіне өтініш білдірдік. Сондықтан заң аясында Үкімет тарапынан осы Мәжіліске енгізгелі жатырмыз», - деді Серік Жарасбаев.
