"Астана" баскетболшыларының сәтсіз сериясы 22 ойынға созылды (ВИДЕО)

Қазақстандықтар бастапқы үш ширекте красноярлықтардан айласын асыра алмады. Ал соңғысында ойын тізгініне иелік етіп, басымдық танытқанымен кеш болды. Нәтижесінде "Астана" 90:73 есебімен жеңіліс тапты. 

"Астаны" қатарында Даниель Утоми 23 ұпаймен үздік сұрмерген атанды.

Осылайша елордалық баскетболшылар ВТБ Бірыңғай лигасының маусымы басталғалы қатарынан 22-ші матчта ұтылып отыр. 

"Астана" 5 қаңтарда өз паркетінде мәскеулік ЦСКА-ны қабылдайды. 

ВТБ Бірыңғай лигасы. 22-тур
"Енисей" (Красноярск) — "Астана" 90:73 (24:20, 23:12, 23:17, 20:24).