Айсұлу Тыныбекова желтоқсанда ғана көпшілікке өзінің болашақ жұбайын әлеуметтік желіде көрсеткен еді.
Қырғыздың ең даңқты балуаны Айсұлу Тыныбекова тұрмысқа шықты. Beksports.kz инстаграм парақшасының мәліметі бойынша 3 дүркін әлем чемпионының серігі өзінен 8 жас кіші.
Олимпиада ойындарында екі мәрте жүлдегер атанған қырғыздың танымал балуаны былтыр желтоқсанда ағынан жарылып, әлеуметтік желіде өзінің болашақ күйеуін дүйім жұртқа көрсеткен еді.
Айта кетейік, Айсұлу Тыныбекова тәуелсіз Қырғызстан тарихында әлем чемпионы атанған алғашқы спортшы. Ол әлемнің 3, Азияның 6 дүркін чемпионы. Сондай-ақ, Азия Ойындарында алтын, күміс, қола жүлде иегері атанған. Бұдан бөлек, әлем біріншілігінде бір рет қола, Азия чемпионатында 2 күміс, 2 қола медальді иеленді. 2020 жылы әлем кубогында топ жарды.
