Комикс тәсілімен жасалған 5 кітап Елдос Сметов, Назым Қызайбай, Демеу Жадыраев, Нұрбек Оралбай және Геннадий Головкиннің өмірінен сыр шертеді.
Сонымен бірге даңқты спортшылардың Париж Олимпиадасындағы бәсекелері де суреттелген. Қалың оқырманға таныстырылатын туындының дизайны да, форматы да тың.
Комикстегі оқиғалар спортшылармен және жақындарымен тілдесу арқылы алынған. Ал суреттер кейіпкерлердің жаттығулары, маңызды жарыстар мен Олимпиада ойындарындағы видеоларына қарап салынды.
Жобаға “Спорт қоры” қолдау көрсетті. Әр кітап балалар мен жасөспірімдерге арналған. Жинақтарды 24kz арнасының журналистері Аслан Қаженов пен Азамат Әбілқайыр құрастырды.
“Елде кенжелеп қалған комикс жанры арқылы жас ұрпаққа қазақ чемпиондарының есімі мен жетістіктерін насихаттауды көздедік”, – дейді авторлар.
