Қысқы Азиада: Қытай құрамасы сапында 4 қазақ спортшысы өнер көрсетеді
Қытай IX қысқы Азия ойындарына қатысатын спортшылардың тізімін жариялады.
baidu.com
Синьхуа агенттігінің жазуынша, Қытай спорт делегациясының құрамында 257 адам бар, оның ішінде 170-сі спортшы. Олардың алтауы олимпиада чемпионы.
Қытай құрамасының сапында ұлты қазақ 4 спортшы IX қысқы Азия ойындарына қатысады. Олар: Ақнар Адаққызы (конькимен жүгіру), Қанағат Мұхамедұлы (конькимен жүгіру), Баян Жалынқызы (шаңғы) және Самғар Серікұлы (шаңғы).
Еске сала кетсек, IX қысқы Азия ойындары 7-14 ақпаны аралығында Хэйлунцзян провинциясының Харбин қаласында өтеді. Спортшылар 11 спорт түрі бойынша 64 медаль жиынтығын сарапқа салады.
Arena Olimpbet-те спорттың ең жаңа және қызықты жаңалықтарын оқыңыз! Толығырақ мәліметтер, талдау және қажеттінің барлығы — сілтеме бойынша: arena.olimpbet