Федерация жастар регбиін дамыту, әйелдер командаларына қолдау көрсету, спортты танымал ету және инфрақұрылымды құруды жоспарлап отыр.
Өнеркәсіп және құрылыс министрі Қанат Шарлапаев регби федерациясының жаңа басшысы болып сайланды. «QAZAQSTAN RUGBY» заңды тұлғалар бірлестігінің кезектен тыс жиналысында қатысушылар бірауыздан осындай шешім қабылдаған.
Айта кетейік, регбиден Қазақстан әйелдер құрамасы әлемдік рейтингіде 19-орынға жайғасқан. Аталған құрама халықаралық турнирлерде сәтті өнер көрсетіп, үздіктер қатарынан көрініп жүр.
Жалпы, аталған федерация жастар регбиін дамыту, әйелдер командаларына қолдау көрсету, спортты танымал ету және инфрақұрылымды құруды жоспарлап отыр.
