Digital Almaty форумына "Арсенал" клубының және Англия құрамасының бұрынғы футболшысы Сол Кэмпбелл арнайы келді.
Футбол әлемінің аңызы Алматыда өтіп жатқан халықаралық форум аясында технология мен спорт тақырыбында сөз қозғайтынын атап өтті. Бұл туралы kaz.inform.kz жазды.
“Бұл Алматыға менің алғаш рет келуім емес. Бірақ осындай форумға қатысу мен үшін жаңа тәжірибе. Бүгін спикер ретінде баяндама жасаймын, ал ертең стартаптар байқауында қазылар алқасына қосыламын. Жалпы форум аясында технологияны спортқа енгізудегі тәжірибемді бөлісемін”, — деді ол.
Сол Кэмпбелл «Челсидің» қазақстандық Дастан Сәтбаевты, ал “Манчестер Сити” клубы өзбекстандық Абдукодир Хусановты сатып алуына байланысты пікір білдірді.
“Ағылшын Премьер-лигасы Орталық Азияға өңіріне жақындай түсті. Бұл өңірдің жанкүйерлеріне АПЛ ойындарын тамашалау бұрынғыдан да қызық болады. Егер жақында айтылған клубтарға ауысқан ойыншылар кәсібилік көрсетіп, жаттығып, ары қарай дамып, жақсы көзге түсетін болса, Еуропаға жаңа нарықтың есігі ашылады”, — деді ол.
Сондай-ақ ол алматылық “Қайраттың” жаттығу орталығына жоғары баға берді.
“Бірнеше жыл бұрын «Қайрат» құрамында Аршавин ойнаған кезде мен Алматыда болғанмын. Сонда “Қайраттың” базасында болдым. Серіктестік туралы да сөйлескенбіз, алайда бұл орындалмады. Бірақ алматылық клубтың базасы соңғы жылдары мен көрген үздік жаттығу орындарының бірі”, — деді Сол Кэмпбелл.
Ордабасы
Астана
Актобе
Кайрат
Кызылжар
Кайсар
Атырау
Тобол
Жетысу
Шахтёр
Туран
Женис
Елимай
-
