Қазақстан ерлер құрамасы Харбинде 5 мың метр қашықтықта топ жарды. Бұл байрақты додада қоржынға түскен алғашқы алтын медаль.
Қазақстан финалда Жапония мен Қытайды шаң қаптырып кетті. Ал фаворит болған Оңтүстік Корея пенальтиге ие болды.
Ұлттық құрама сапында тарихи жетістікке Денис Никиша, Абзал Әжіғалиев, Әділ Ғалиахметов, Глеб Ивченко, Мерсаид Жақсыбаев және Айбек Насен қол жеткізді.
Жалпы шорт-трекшілер Харбинде үш жүлде жеңіп алды. Медальдардың бәрі эстафетада бұйырды.
