Харбиндегі қысқы Азия ойындарында ерлер арасында биатлоннан эстафета бәсекесі аяқталды.
Жапония құрамасы Азия ойындарының жеңімпазы атанды. Қазақстан құрамасы мәреге 58.4 секунд кешігіп, күміс жүлде иеленді. Команда сапында Александр Мухин, Әсет Дүйсенов, Кирилл Бауэр және Владислав Киреев өнер көрсетті. Қытай құрамасы үшінші орынға тұрақтады (+1:12.4).
Айта кету керек, жарыс барысында қазақстандық биатлоншылар бірнеше рет көшбасында болған. Бірақ соңында алтын медальді уысынан жіберіп алды.
Қазір Қазақстан құрамасының 2025 жылғы Азия ойындарындағы медаль қоржынында 17 жүлде бар: 3 “алтын”, 8 “күміс” және 6 “қола”.
