АҚШ-тың Нью-Гэмпшир штатында екі трансгендер қыз Дональд Трампты сотқа берді.
Трансгендерлердің әйелдер жарысына қатысуына қатысты Трамптың жарлығына шағым
АҚШ-тың Нью-Гэмпшир штатында екі трансгендер қыз Дональд Трамптың мектеп оқушылары арасында қыздар жарыстарына қатысуына тыйым салатын жарлығына қарсы сотқа арызданды.
Сот дауы және Трамптың жарлықтары
16 жастағы Паркер Тиррелл мен 15 жастағы Айрис Турмелль 2024 жылы Нью-Гэмпшир штатының трансгендерлердің әйелдер спортына қатысуына тыйым салатын заңына қарсы сотқа шғымданған болатын. Бұл заңның орындалуын сол жылдың қыркүйегінде АҚШ-тың округтік судьясы Ландия Маккафферти уақытша бекітті. Енді екі оқушы Трамп әкімшілігінің трансгендерлерді спортта тек биологиялық жынысына сәйкес тану туралы жарлығына кірісті.
Президент жарлығы жыныстық сәйкестікті заңды түрде өзгертуді мойындамайды және трансгендерлерге әйелдер спортына қатысуға толықтай тыйым салады. Судья Маккафферти оқушыларға сотқа жаңа шағым түсіруге рұқсат берді.
Адвокаттар мен Ақ үйдің ұстанымы
Істі жүргізуші заңгер Крис Эрчулл: «Мектептегі спорттық жарыстар – білімнің маңызды бөлігі. Баланың жыныстық сәйкестігіне байланысты оны жарыстардан шеттету әділетсіз», – деп мәлімдеді.
Ақ үйдің өкілі Харрисон Филдс, керісінше, Трамптың жарлықтары заңға толық сәйкес келетінін және сотта олардың күшін жоя алмайтынын айтты.
Оқушылардың пікірі
Тиррелл мен Турмелль мектептері оларға жарыстарға қатысуға рұқсат бермегенін, себебі мектеп федералдық қаржыландырудан айырылуы мүмкін екенін жеткізді. Олар спортпен айналысқан кезде өздерін сенімсіз әрі қорғансыз сезінетінін атап өтті.
Тиррелл футболмен айналысса, Турмелль үлкен теннисте бағын сынап көрмек. Екеуі де бала кезінен өзін қыз ретінде сезінгенін және гормоналды терапия алып, тестостерон әсерінен болатын жыныстық жетілуден өтпегенін мәлімдеді.
Трамп жарлығының ықпалы
Дональд Трамп 2025 жылдың 6 ақпанында трансгендер спортшылардың әйелдер жарыстарына қатысуына тыйым салатын жарлыққа қол қойды. Құжатқа сәйкес, бұл талапты бұзған шетелдік спортшылардың АҚШ-қа кіруіне тыйым салынады. Сонымен қатар, АҚШ үкіметі Халықаралық Олимпиада Комитетіне (ХОК) қысым көрсетуді көздеп отыр.
