Қазақстандық волейболшы, индонезиялық "Yogya Falcons" командасының ойыншысы Сәбина Алтынбекова тағы да ана атану мүмкіндігі жайлы пікір білдірді.
2020 жылы тұрмысқа шығып ана атанған Алтынбекова балалы болу оның өміріндегі ең үлкен қуаныш екенін мойындады.
"Балалар – шексіз бақыт. Қуана-қуана тағы бес баланы дүниеге әкелер едім. Сонда да олардың үлкен әпкесі сияқты көрінуге тырысамын", – деп жазды волейболшы өзінің әлеуметтік желісінде.
Спортшының командаластары оның ұлын туған бауыры деп ойлағанын айтып, бұл жағдай оған ерекше әсер еткенін бөлісті.
"Командадағы қыздар менің ұлымды туған інім деп ойлапты. Мұндай жылы сөздер есту маған бұрын-соңды мұншалықты жағымды болған емес", – деп жазды ол.
Айта кетейік, Сәбина Алтынбекова 2024 жылдың қазан айында" Yogya Falcons"клубымен келісімшартқа қол қойды. Ал желтоқсан айында ол команданың капитаны атанғанын жариялады. Қазір спортшы әлеуметтік желілерде өз клубының ойындарынан фото және бейнематериалдарды жиі бөлісіп отырады.
