Тергеу барысында алаяқтың өз таныстарын да алдағаны анықталды.
Тергеу мәліметтері бойынша, алаяқ тұрмыстық техника, көліктер мен мобильді телефондарды сатып алуға көмектесемін деп уәде берген. Сондай-ақ, тауарлық несиелерді қолма-қол ақшаға айналдыру және табысты көбейту мүмкіндігін ұсынып, азаматтардың сеніміне кірген.
Батыс Қазақстан облысында полицияның экстремизмге қарсы күрес департаменті 25 жастағы ер адамды ұстады. Ол екі жылдан астам уақыт бойы алаяқтықпен айналысқан, деп хабарлайды Finratings.kz.
Қазан 2023 жыл: Орал қаласының тұрғынына өзін тауарлық несиені қолма-қол ақшаға айналдыратын маман ретінде таныстырып, 4 миллион теңге иемденген. Дәл сол айда басқа азаматқа 4,5 миллион теңгеге тұрмыстық техника жеткізіп беремін деп уәде беріп, ақшаны алып, жоғалып кеткен.
Тергеу барысында алаяқтың өз таныстарын да алдағаны анықталды. Барлығы 14 эпизод тіркеліп, жәбірленушілердің жалпы шығыны 78 миллион теңгеден асқан.
Қазіргі таңда күдікті уақытша ұстау изоляторында. Тергеу кезінде ол кінәсін мойындап, ақшаның басым бөлігін букмекерлік ставкаларға жұмсағанын айтқан.
Құқық қорғау органдары оның басқа қылмыстарға қатыстылығын тексеріп жатыр.
