Танымал қазақстандық волейболшы Сәбина Алтынбекова индонезиялық "Yogya Falcons" клубындағы маусымның қорытындысын жариялап, Индонезия халқына алғыс айтты.
“Біз үздік төрттікке кіре алмадық, сондықтан біздің команда үшін 2024/2025 маусымы аяқталды.
Команда президенті мистер Хэндиге, жаттықтырушыларға және командаластарға алғысымды білдіремін. Сіздермен бірге жұмыс істеу және капитан болу – мен үшін үлкен мәртебе. Бұл біздің Pro Liga-дағы дебютіміз болды. Біз мақсатымызға жеттік. Осы маусымда үлкен тәжірибе жинап, ұмытылмас сәттерді бастан өткердік.
Қарсыластарымызға да рақмет! Біз Олимпиада ойындарына қатысқан әлемнің үздік легионерлерімен бәсекелестік. Олармен бір алаңда ойнау – мен үшін үлкен құрмет.
Индонезия халқына алғыс айтамын! Мені қолдаған, маған сенген, маған махаббат сыйлаған барлық жанға рақмет. Сіздер мені тағы да көруге асықсыздар, Алла қаласа, жақын арада кездесеміз.
Соңында, Алла Тағалаға шексіз алғысымды білдіремін. Ол “Бол!” десе, бәрі орындалады. Мен сені сүйемін, “Yogya Falcons”! Мен сені сүйемін, Индонезия!” – деп жазды Алтынбекова Instagram парақшасында.
