Халықаралық шаңғы спорты федерациясы (FIS) күтпеген бірақ мәжбүрлі шешім қабылдап, Алматыдағы "Шымбұлақ" тау-шаңғы курортында өтіп жатқан фристайлдан әлем кубогының кезеңін мерзімінен бұрын тоқтатты.
28 ақпанда басталған жарыстың алғашқы күнінде могул спортының үздіктері медаль үшін күресуі керек еді. Бірақ кенеттен басталған жауын-шашын мен қарлы боран ұйымдастырушыларды бірінші жарыс күнін мерзімінен бұрын аяқтауға мәжбүр етті.
Ерлер арасындағы жарыста үздік алтылық анықталып үлгерген сәтте, ауа райы жағдайы күрт нашарлап кетті. Осы себепті FIS жүлдегерлерді іріктеу кезеңінің нәтижесі бойынша анықтады.
Алматы кезеңіндегі жеңімпаздар
Бұған дейін әлем кубогының кезеңдері ауа райына байланысты кейінге шегерілген немесе уақытша тоқтатылған жағдайлар болған. Бірақ жүлдегерлердің іріктеу нәтижесіне қарай анықталуы – сирек кездесетін оқиға.
