Әзербайжан астанасы Бакуде өтіп жатқан спорттық гимнастикадан әлем кубогы кезеңінде Милад Карими күміс жүлдегер атанды.
Ұлттық құрама көшбасшысы еркін жаттығудың финалында 14.300 балл жинады. Кеше ол іріктеуді 1-орынмен аяқтаған (13.833 ұпай).
Бұл бағдарламада Егор Шеремков (Беларусь) топ жарса, Назар Черепный (Украина) үздік үштікті түйіндеді.
Еске сала кетсек, Милад осыған дейін Германияның Котбус қаласында өткен әлем кубогының алғашқы кезеңінде еркін жаттығуда алтын медаль жеңіп алған еді.
Алда Милад әлі керме жаттығуында финалда сынға түседі. Одан бөлек Ұлттық құрама сапындағы Зейнолла Ыдрысов (тұтқалы ат снарядында), Дмитрий Патанин мен Ілияс Әзизов (қос сырықта) жүлдеге таласады.
