БІшкекте Наурыз мейрамына орайластырылған көкбөрі турнирі кезінде 45 жастағы "Бөрүлү" командасының капитаны Мирлан Сраждинов қаза тапты.
Жаңа ат спорты стадионында өткен көкбөрі ойыны барысында қайғылы оқиға болды. Турнир кезінде Сраждинов улақты көтеруге ұмтылған сәтте атымен соқтығысып, жерге құлады. Өкінішке қарай ол қайта тұра алмады.
Әлеуметтік желілерде тараған бейнежазбаларда спортшының құлағаннан кейін орнынан тұра алмай жатқаны көрінеді.
Қырғызстан Ішкі істер министрлігінің мәліметінше, спортшы ауруханаға жетпей көз жұмған. Қазір бұл оқиға бойынша тергеу амалдары басталды. Тиісті органдар ресми тіркеуге алды.
Бұл қайғылы жағдай көкбөрі спортының қауіптілігі мен спортшылардың қауіпсіздік шараларын қатаң сақтау қажеттілігін тағы бір рет көрсетті.
