Белгілі қазақстандық ММА спортшысы Қуат Хамитов танымал волейболшы Сәбина Алтынбекованың ажырасқаны туралы жаңалыққа пікір білдірді.
Желі қолданушылары спортшының реакциясын күтіп, оны жиі белгілеген. Бұған жауап ретінде Хамитов Instagram парақшасында:
"Жігіттер, мені белгілей бермеңдер, мен қандай қыздар ұнайтынын бұрыннан айтып қойғанмын!" – деп жазды
2020 жылы "Қызық Live" бағдарламасында Қуат Хамитов некеге тұру жоспары туралы сұраққа жауап берген. Ол ұзақ уақыт бойы бір аруды бақылап жүргенін айтқан еді. Көпшілік оның сөзі Сәбина Алтынбековаға бағытталған деп болжаған.
Еске сала кетейік, 2020 жылдың желтоқсан айында Сәбина Алтынбекова продюсер Саят Төстікбаевқа тұрмысқа шықты. 2021 жылдың қазан айында олардың ұлы дүниеге келді. Бірақ спортшы өткен аптада ажырасқанын ресми түрде жариялады.
