"Жетісу" қыздар волейбол клубы Азия чемпиондар лигасында бақ сынайды.
Байрақты бәсеке 18-28 сәуір аралығында Филиппинде өтеді. Додада Азияның 12 үздік командасы бақ сынайды. Талдықорғандықтар “А” тобында Филиппин мен Иордания елінің командаларымен шеберлік байқасады.
Айта кетейік сербиялық маман Марко Гршич жаттықтыратын “Жетісу” биыл ұлттық лига командалары арасында үздік шығып, Қазақстанның тоғыз дүркін чемпионы атанды.
Біріншілік қорытындысында команда капитаны Карина Денисова үздік ойыншы атанса, Мәдина Бекет үздік либеро, ал Дарья Шаргородская үздік байланыстырушы болды.
