Ел басшысы спорт және мәдениет саласындағы үздіктерді марапаттады.
Мемлекет басшысы Қасым-Жомарт Тоқаев ел алдында сіңірген ерен еңбектерімен көзге түскен азаматтарға жоғары мемлекеттік наградалар табыстады.
Атақты спортшы Шавкат Рахмонов елдің оң бейнесін қалыптастыруға және шетелде насихаттауға қосқан үлесі үшін ІІ дәрежелі «Барыс» орденімен марапатталды.
Президент биыл 30 жылдығын атап өтетін Қазақстан халқы Ассамблеясының маңыздылығына тоқталып, оны «берік бірлігіміздің мызғымас символы» деп атады. Мемлекет басшысы бірнеше этномәдени орталық өкілдеріне «Ел бірлігі» орденін табыстады.
Рухани саладағы зор еңбегі үшін «Қазақстанның Халық әртісі» құрметті атағы мына белгілі өнер қайраткерлеріне берілді:
Мәдениеттің дамуына зор үлес қосқаны үшін «Қазақстанның еңбек сіңірген қайраткері» атағы берілді:
Сондай-ақ ауыл шаруашылығы саласын дамытуға қосқан елеулі еңбегі үшін Иван Сауэрге де «Қазақстанның еңбек сіңірген қайраткері» атағы берілді.
Президент барлық марапат иелеріне халықтың шынайы алғысы мен терең құрметін білдіріп, жоғары мемлекеттік наградалар еліміздің түкпір-түкпіріндегі жүздеген азаматқа табысталатынын атап өтті.
