Қазақстандық танымал боксшы, әуесқойлар арасындағы үш дүркін әлем чемпионы Назым Қызайбай сырт келбетін өзгертуді ұйғарды.
Бұл туралы спортшы өзінің әлеуметтік желісінде хабарлап, оқырмандары арасында сауалнама жариялады.
«Ұзын шашпен жүру ыңғайсыз — үнемі жинап жүруге тура келеді. Енді шашымды қысқартқым келеді. Қайсысы жақсы деп ойлайсыздар: каре ме, әлде муллет пе?» – деп жазды Назым өз парақшасында.
Назым Қызайбайдың айтуынша, ол белсенді спорт өмірінде қарапайым әрі қолайлы бейнені қалайды. Жанкүйерлер арасында екі нұсқаның қайсысы жарасатыны туралы қызу талқылау жүріп жатыр.
Көптеген жанкүйер спортшының батылдығын қолдап, «Назымның жаңа образы оның рингтегі мінезіне сай болады» деген пікірлер қалдырды.
Назым Қызайбай – қазақ боксының мақтанышы. Ол әлем чемпионаттарында үш мәрте алтын медаль жеңіп алған алғашқы және әзірге жалғыз қазақстандық боксшы.
2024 жылы өткен Париж Олимпиадасында 50 келіге дейінгі салмақ дәрежесінде өнер көрсетіп, қола жүлдеге ие болды.
