Ақмола облысының Степногорск қаласында өткен грэпплинг жарысында бапкерлер арасындағы жанжал сот ісімен аяқталды.
Ақмола облысының Степногорск қаласында өткен балалар мен жасөспірімдер спорт мектебінің грэпплинг турнирі күтпеген жағдай болған еді. Жарыс кезінде екі бапкер сөзге келіп, соңы төбелеске ұласқан болатын. Куәгерлердің айтуынша, эмоцияға берілген бапкерлер бір-біріне балағат сөздер айтып, қоғамдық тәртіпті бұзған.
Іс Степногорск қалалық сотында қаралды. Сот бапкерлердің әрекетін «ұсақ бұзақылық» (Әкімшілік кодекстің 434-бабы) деп танып, әрқайсысына 78 640 теңге көлемінде айыппұл салды.
Екеуі де өз кінәсін мойындап, өзара татуласқанын және болған жағдайға өкінетінін айтты. Сондықтан сот қатаң жаза қолданбау туралы шешім қабылдады.
Сот үкімі әзірге заңды күшіне енген жоқ. Естеріңізге сала кетейік, бұл жағдай әлеуметтік желі қолданушылары арасында қызу талқыға түскен еді.
