Ұлттық құрама және «Елімай» ФК жартылай қорғаушысы өмірінің жаңа тарауына қадам басты.
Ғалымжан Кенжебек бүгін Шығыс өңірінің тумасымен бақытты отбасын құрды. Жас жұбайлар неке куәлігін рәсімдеді.
«Елімай» ФК баспасөз қызметі жариялаған фотода ерлі-зайыптылардың қол ұстасып, бір-біріне сүйсіне қарап тұрғаны көрінеді.
Қыздың Instagram аккаунтына сүйенсек, оның есімі — Алтынай. Ол да әлеуметтік желідегі парақшасында екеуінің бірге өткен қуанышты шарасынан кадрларды көрсетті.
Еске салайық, футболшы өткен айда сүйіктісіне үйленуге ұсыныс жасағанын Instagram желісіндегі сторис арқылы жариялап, құдалық сәтінен кадр ұсынған.
Ғалымжан Кенжебек өткен ҚПЛ маусымында «Елімай» сапында 11 матч өткізді. 6 гол соғып, 4 нәтижелі пас берген.
Ал 2025 жылы Қазақстан құрамасында ол 10 ойынға қатысып, 3 гол және 1 голға әкелген пас тіркеді.
