Қазақстандық боксшы Махмұд Сабырхан әлеуметтік желідегі парақшасында ММА файтері әрі актер Еркебұлан Тоқтармен түскен ортақ суретін жариялады.
Айта кетейік, Тоқтар кеше Ташкенттегі бокс кешінде өзбекстандық боксшы Тимур Никулинді жеңіп, жанкүйерлер назарын өзіне аударған еді.
Жекпе-жек 6 раундқа жоспарланғанымен, айқас өте ерте тоқтады: қазақстандық спортшы 1-раундтың 72-секундында қарсыласын қыспаққа алып, техникалық нокаутпен жеңіске жетті.
Ал Махмұд Сабырханның өзіне қатысты да маңызды жаңалық бар. Кеше World Boxing ұйымы оны 2025 жылдың үздік боксшысы деп жанкүйерлер дауыс беруі арқылы ресми түрде мойындағаны хабарланды.
Сабырхан Ливерпульде әлем чемпионы атанғаннан кейін, арнайы тізімге енген бес үміткердің ішінен топ жарған. Сол үміткерлер қатарында екі өзбекстандық боксшы да болғаны айтылды.
