Қазақ боксының жарық жұлдызы, Олимпиада чемпионы Данияр Елеусінов әлеуметтік желіде қуанышты жаңалығын жариялады.
Елеусінов Instagram парақшасында видео жариялап, көпшілікке жаңа көлігін — Toyota Land Cruiser 250-дің соңғы моделін таныстырды. Видеодан автокөліктің ерекше мемлекеттік нөмірмен тіркелгенін көруге болады: 001 EDM 01 (спортшының инициалдары көрсетілген).
Айта кетейік, Қазақстан нарығында Toyota Land Cruiser 250 моделінің ең төменгі бағасы 36 миллион теңгеден басталады.
Данияр Елеусінов 2017 жылы кәсіпқой мансабын бастау мақсатында АҚШ-қа қоныс аударған болатын. Оның Америкадағы дебюті 2018 жылғы 28 сәуірде Нью-Йоркте өтіп, жергілікті боксшы Ноа Киддқа қарсы кездесуінде қазақстандық спортшы үшінші раундта техникалық нокаутпен жеңіске жеткен.
Ал Елеусіновтің Қазақстанға қайтып келгені туралы ақпарат 2025 жылғы желтоқсан айының басында белгілі болды.
