Қазақстандық қыздың келесі қарсыласы кейінірек белгілі болады.
Қазақстанның бұрынғы бірінші нөмірі, қазір WTA рейтингінде 318-орында тұрған Зарина Дияс Жапонияның Фукуока қаласында өтіп жатқан ITF W35 турнирінің ширек финалында Австралия өкілі Лизетт Кабраны (215) жеңді.
1 сағат 52 минутқа созылған кездесу 6:2, 3:6, 6:2 есебімен Диястың пайдасына шешілді.
Еске салайық, Кабрера турнирде бірінші нөмірмен қатысып, басты фаворит саналған еді.
Жартылай финалда қазақстандық теннисші "жапон дербиінің" жеңімпазы Химено Сакацуме (252) - Эри Шимизумен (373) кездеседі.
