ATP рейтингінде 76-орында тұрған Александр Бублик Турин қаласында өтіп жатқан беделді Челленджер турнирінің ширек финалында жеңіске жетті.
Бублик 1/4 финалдық кезеңде аргентиналық Томас Мартин Этчеверримен (51-орын) күш сынасты. Тартысты матч үш сетке созылып, 6:2, 3:6, 7:5 есебімен аяқталды.
Қазақстандық теннисші жартылай финалда Германияның тәжірибелі теннисшісі Даниэль Альтмайермен (71-орын) кездеседі. Бұл кездесу Александр үшін ATP рейтингін жақсартуға тағы бір мүмкіндік болмақ.
Александр Бублик қазір Қазақстанның ерлер арасындағы бірінші ракеткасы саналады. Туринде ол 8-нөмірмен турнирге қатысуда. Жүлде қоры — 227 270 еуро. Чемпион атанған теннисші 34 900 еуро көлемінде сыйақы алып, 175 рейтингтік ұпайға ие болады.
