14 қазан күні «Алматы Арена» корттарында халықаралық Almaty Open-2025 турнирінің төртінші ойын күні басталды. Бірақ әзірге жергілікті жанкүйерлер үшін жаңалық көңіл қуантпай отыр. Қазақстан теннисшілері жарыстан біртіндеп шығып қалуда.
11 қазанда іріктеу кезеңінде Денис Евсеев жарысты ерте аяқтады. Келесі күні оның ізін ала тағы бір тәжірибелі ойыншы — Михаил Кукушкин де негізгі турнирге өте алмады.
Кеше негізгі кезеңнің бірінші айналымында ел үмітін арқалаған жас талант Әмір Омарханов жарыспен қоштасты. 17 жастағы спортшының қарсыласы әлемнің 35-ракеткасы, канадалық Габриэль Диалло болды. Осыны ескерсек, жас теннисшінің ойыны сынға алынған жоқ. Керісінше тәжірибе жинауға мүмкіндік болды.
Бүгін тағы бір отандасымыз, петропавлдық Тимофей Скатов жарыс жолынан шығып қалды. Оның қарсыласы — әлемдік рейтингтің №114 сатысындағы австралиялық Ринки Хиджиката еді.
Үш сетке созылған тартысты матч нәтижесінде жеңіс Хиджикатаға бұйырды — 7:6, 2:6, 6:3.
