Қазақстанның бірінші, әлемнің 11-ракеткасы Александр Бублик Гонконгта өтіп жатқан ATP 250 санатындағы турнирдің финалына жолдама алды.
Бублик Гонконгтағы турнирдің жартылай финалында АҚШ өкілі Маркос Гиронмен (ATP рейтингінде 64-орын) кортқа шықты. Кездесу 1 сағат 42 минутқа созылып, қазақстандық теннисші үш сетте жеңіске жетті: 3:6, 6:4, 6:2.
Алғашқы сетте ұтылып қалған Бублик екінші партиядан бастап ойынды өз пайдасына бұрып, шешуші сетте қарсыласына мүмкіндік бермеді.
Александр Бублик турнирдің шешуші матчында итальяндық Лоренцо Музеттимен кездеседі. Музетти қазір ATP әлемдік рейтингінде 7-орында тұр.
