Жарыс Мексикада өтті.
Мексиканың Мерида қаласында жасөспірімдер арасында бірінші санаттағы ITF J500 турнирі өз мәресіне жетті.
18 жасқа дейінгі теннисшілер арасында Қазақстанның 1-ракеткасы Әмір Омарханов ресейлік Тимофей Дерипаскомен жұптық сында жеңімпаз атанды.
Аталған дуэт финалдық кездесуде жарыстың 1-ракеткалары чехиялық Петр Брунлик/ұлыбританиялық Чарли Робертсонды тізе бүктірді. Қорытындысы – 6:4, 6:1.
Айта кетейік, Әмір Омарханов жекелей сында жартылай финалға дейін жетті. Финалдық ойын сарапқа салынған матчта отандасымыз франциялық Томас Фурелге есе жіберді.
