Жібек Құламбаева Нави-Мумбаи турнирінде кезекті қарсыласын оңай жеңді.
Бүгін 24 жастағы қазақстандық теннисші өзінің екінші жеңісіне қол жеткізді. Таң сәріде жекелей сында жапон қызы Анри Накатадан (6:4,7:5) басым түссе, түстен кейін үнді Шривалли Бхамидипатимен жұптасып үндістандық дуэт Снихал Мане/Сонал Патилден айласын асырды.
Матч 53 минутқа созылып 6:2, 6:2 есебімен аяқталды.
