Теннистен Австралия ашық чемпионатын іріктеу кезеңінен бастаған қазақстандық Михаил Кукушкин бірінші айналымнан арі аса алмады.
Эстониялық Марк Лаялмен кездескен отандасымыз 0:6, 2:6 есебімен ойсырай жеңілді. Михаил Кукушкин әлемдік рейтингте 109-орында тұрса, оның эстониялық қарсыласы 234-сатыда.
Бүгін Австралиядағы кортқа тағы бір қазақстандық теннисші Дмитрий Попко шығады. Оның қарсыласы Гонконг өкілі Чак Лам Колман Вонг.
