Чехиялық Линда Носковамен жұптасқан қазақстандық теннисші жарыстың ширек финалына жолдама алды.
Путинцева мен Носкова турнирдің екінші айналымында жарыстың екінші нөмірлі дуэті — Габриэлла Дабровски (Канада) мен Эрин Рутлиффке (Австралия) қарсы ойнады.
Бірінші сетте фавориттер өз деңгейін көрсетті. Олар екі ұпайлық басымдықпен алға шығып, 6:4 есебімен жеңді. Бірақ екінші партияда қазақстандық-чехиялық жұп керемет камбэк жасады.
Жартылай финал жолдамасы супер тай-брейкте шешілді. Мұнда Путинцева мен Носкова фавориттерді мүлдем ойсырата жеңді. Бастапқыда 4:0 есебімен алға шыққан олар, кездесуді 10:2 есебімен аяқтады. Осылайша жұп ширек финалға өтіп, турнирдің басты сенсацияларының бірін жасады.
Келесі айналымда Юлия Путинцева мен Линда Носкова қытайлық теннисшілер Сюй Ифань мен Чжаосюань Ян жұбымен кездеседі.
