Қазақстанның бірінші ракеткасы Александр Бублик (ATP рейтингі бойынша 82-орында) АҚШ-тың Финикс қаласында өтіп жатқан теннис турнирінде екінші жеңіске жетті.
Александр Бублик 1/8 финалда жапондық Ринки Хидзикатамен (ATP рейтингі – 83) кездесті. Қазақстандық теннисші үш сетке созылған кездесуде 6:2, 5:7, 6:3 есебімен жеңіске жетіп, ширек финалға жолдама алды.
Енді келесі айналымда Бублик ATP рейтингінде 79-орында тұрған француз Корентен Мутемен кездеседі.
Жалпы жүлде қоры: 250 000 доллар
Чемпионға берілетін сыйақы: 38 420 доллар
Рейтингтік ұпай: 175 ATP ұпайы
Турнирдің басты фавориті ретінде португалиялық Нуну Боржеш (ATP рейтингі – 36) аталып отыр.
