Кәсіпқой боксшы Балауса Мұздыман жеңісті жекпе-жектен кейінгі демалысын ауылда өткізіп жатыр.
Instagram парақшасында Балауса жанкүйерлеріне былай деп жазды:
"Жекпе-жектен кейінгі демалысымды ауылда өткізіп жатырмын. Көбі мені тек спортшы ретінде қабылдайды. Бірақ үйдегі Балауса мен рингтегі Балаусаның айырмашылығы бар ма?"
Жазбаға боксшының ауылдағы табиғат аясындағы фотолары қоса берілген.
Еске салайық, 5 сәуір күні Астанада өткен Жәнібек Әлімханұлының жекпе-жегіне арналған бокс кешінде Балауса Мұздыман Филиппин боксшысы Мария Тереза Пинилимен қолғап түйістірді.
Жекпе-жек жеңіл салмақтағы сегіз раундқа жоспарланған еді. Барлық раунд толық өтіп, қазақстандық боксшы төрешілердің бір ауызды шешімімен жеңіске жетті.
