Боксшылардың жекпе-жегі шілдеде өтеді.
Украиналық әлем чемпионы Александр Усик пен оның келесі қарсыласы Даниэль Дюбуа көз арбасу кезінде төбелес шығарды.
Белгілі боксшылар Лондонда орналасқан әйгілі "Уэмбли" стадионында кездесіп, абсолютті әлем чемпионы атағы үшін өтетін жекпе-жекті ресми жариялады. Көз арбасу кезінде Дюбуа Усикті итеріп жіберді. Нәтижесінде қос боксшы арасында жанжал туындап, жағдайды тек қауіпсіздік қызметкерлері ғана баса алды.
Александр Усик пен Даниэль Дюбуа арасындағы тарихи шайқас 19 шілде күні Лондонда өтеді. Бұл кездесу абсолютті әлем чемпионы атағын сарапқа салатын маңызды бокс кеші болмақ.
