33 келіге дейінгі салмақта Қазақстан өкілі Дамир Жаншылықов пен өзбекстандық Темурбек Бахтиёров чемпиондық атақты сарапқа салды.
Алғашқы раунд жоғары қарқынмен өтті. Дамир мен Темурбек бір-біріне ашық шабуылдап, бар күшін салды. Әрқайсысы сәтті шабуыл ұйымдастырып, қарсыласын нокдаунға жіберді. Нәтижесінде бірінші үш минуттықта төрешілер 3:2 есебімен өзбекстандық боксшыны алға шығарды.
Екінші раундта Дамир Жаншылықов қарқынын арттырып, айқын басымдық көрсетті. Бұл төрешілердің шешімінен де көрінді — барлық бес төреші раундты бірауыздан қазақстандықтың пайдасына жазды (5:0).
Шешуші кезеңде Дамир қарсыласынан толық басым түсіп, жекпе-жекті төрешілердің бірауызды шешімімен жеңді.
