Монреаль қаласында (Канада) өткен UFC 315 турнирінде басты жекпе-жек сенсациялық нәтиже көрсетті. Жеңіл салмақтағы чемпиондық белдік үшін октагонға шыққан америкалық Белал Мұхаммед (24-3) пен австралиялық Джек Делла Маддалена (17-2) жанкүйерлерге ұмытылмас айқас сыйлады.
Белал Мұхаммед бұл кездесуге UFC-дің жартылай орта салмақтағы чемпиондық атағын қорғау мақсатында шықты. Жекпе-жек толық бес раундқа созылып, төрешілер шешімімен жеңімпаз анықталды. Бәсекелестікке толы айқастың қорытындысында бірауыздан қабылданған шешіммен Джек Делла Маддалена жеңіске жетіп, мансабындағы 18-ші жеңісіне жетті және чемпиондық белдікті иеленді. Ал Белал үшін бұл төртінші жеңіліс болды.
Айта кетейік, дәл осы салмақта Қазақстанның мақтанышы, жеңіліс көрмеген файтер Шавкат Рахмонов (19-0) UFC рейтингінде екінші орында тұр. Оны жанкүйерлер мен сарапшылар көптен бері чемпиондық жекпе-жектің басты үміткері деп санаған. Бірақ “Номад” лақап атымен танымал Рахмонов ауыр жарақатына байланысты титул үшін күрес жоспарынан уақытша бас тартуға мәжбүр болды.
