Қазақстан Кубогы: мыңға жуық балуан бозкілемге шығады

2025 жылдың 24–30 мамыр аралығында елордада грек-рим, еркін және әйелдер күресінен Қазақстан Республикасының Кубогы өтеді. Бұл турнир ұлттық құраманы жасақтауда шешуші рөл атқарып, еліміздің ең мықты балуандарының басын қосады.

1000-ға жуық балуан

Биылғы Кубок тек ел ішіндегі жарыс емес, ол – алдағы әлем чемпионаттарына қатысатын ұлттық құраманың негізгі мүшелерін анықтайтын іріктеу кезеңі.

Сол себепті бозкілемге еліміздің түкпір-түкпірінен келген 1000-ға жуық балуан, соның ішінде халықаралық аренада ел намысын қорғап жүрген танымал спортшылар шығады. 

Құрметті қонақтар – Олимпиада чемпиондары

Турнирдің салтанатты ашылу рәсіміне еліміздің атақты спорт саңлақтары қатысады. Олардың қатарында:

• Юрий Мельниченко – Олимпиада чемпионы

• Ислам Байрамуков – Олимпиада жүлдегері

• Ермахан Ибраимов – Олимпиада чемпионы

• Серік Сәпиев – Олимпиада чемпионы

• және басқа да спорт шеберлері болады.

Ашылу салтанаты

• 24 мамыр, сағат 17:30 – салтанатты ашылу рәсімі

• Осы күні еркін күрес балуандары жарысты бастайды

Ұйымдастырушылар:

• Қазақстан Республикасының Туризм және спорт министрлігі

• Грек-рим, еркін және әйелдер күресі федерациясы

• Астана қаласының әкімдігі