UFC сарапшылары Азат Мақсұмның алдағы айқаста жеңіске жететініне күмәнмен қарайды.
UFC сарапшылары 21 маусым күні өтетін UFC Fight Night 259 турнирінде қазақстандық файтер Азат Мақсұм мен ресейлік Тагир Уланбеков арасындағы жекпе-жекке қатысты ойымен бөлісті. Ресейлік комментатор Алексей Володиннің пікірінше, бұл кездесуде Уланбековтың басымдығы айқын.
Okko MMA платформасының редакторы әрі ММА-комментаторы Алексей Володин Sports.kz сайтына берген сұхбатында мынадай пікір айтты:
«Бұл — қарсыластарының деңгейі бірдей емес екі спортшының шайқасы болмақ. Меніңше, Тагир Уланбековтің қарсыластарының деңгейі жоғары болды. Сондай-ақ, оның күресі, грэпплинг және жиу-джитсу шеберлігі бір саты алда,» — деді Володин.
21 маусым, 2025 жыл
UFC Fight Night 259
Баку, Әзербайжан
Бұл турнир — UFC тарихында Әзербайжанда алғаш рет өтетін ірі кеш болмақ. Ал Азат Мақсұм үшін UFC-дегі 2-ші ресми жекпе-жек болғалы тұр. Өз кезегінде Тагир Уланбеков октагонда тәжірибесі мол қарсылас саналады.
Қазақстандық файтер, рекорд: 15 жеңіс, 1 жеңіліс
Тез әрі техникалық стилімен танымал
UFC-дегі алғашқы жекпе-жегінде сенімді жеңіске жеткен
