Еркін күрестен былтыр ел кубогын жеңіп алған Жамбыл облысының спортшысы Нұрсұлтан Садық күтпеген жерден жарысты аяқтады.
65 келіге дейінгі салмақ дәрежесінде үшінші орын үшін белдесуге жолдама алу мақсатында елордалық балуан Шерхан Әбіл мен былтырғы кубок иегері Нұрсұлтан Садық кілемге шықты. Бұл жекпе-жекте көпшілік Садыққа сенім артқанымен Әбіл нағыз сенсация жасады. Кездесу 8:2 есебімен Шерханның пайдасына аяқталды. Осылайша ол жарыстың қола жүлдесіне үміткер атанды.
Бұл нәтиже Нұрсұлтан Садық үшін ауыр соққы болды. Ол жарысты медальсыз аяқтап, былтырғы жетістігін қайталай алмады.
