Олимпиада чемпионы, жастар құрамасының бапкері Бақыт Сәрсекбаев шәкіртін рингке бастап шығып, айқас кезінде бағыт-бағдар беріп, жанкүйерлердің ыстық ықыласына бөленді.
Әлеуметтік желілерде тараған бейнежазбада Бақыт Сәрсекбаевтың өз шәкіртін жекпе-жекке дайындап, айқас сәтінде жан-тәнімен кеңес беріп тұрғаны анық байқалады. Жаттықтырушының бағыттау сөзі жұрттың жүрегінен орын тапты:
"Алдыңғы қолмен баста, артқы қолмен аяқта. Ішке, бүйірге соқ. Ұзаққа бармайды – құлайды".
Бұл сәт көрермендерге тек жаттығу емес, шын жанкештілік пен ұстаздықтың үлгісін көрсетті.
Желі қолданушылары Бақыт Сәрсекбаевтың әрекетін жоғары бағалап, жылы лебіздерін жаудырды:
Оқырмандар бұл көріністі тек спорттық шеберлік емес, нағыз жанашырлық пен ұстазға тән қасиет ретінде қабылдады.
Айта кету керек, бұған дейін де Бақыт Сәрсекбаевтың жастарға соққы техникасын үйреткен видеосы TikTok пен Instagram-да кең таралған болатын. Оның тәлім беру тәсілі мен харизмасы көпшіліктің көңілінен шықты.
