Төрехан Сабырханға тыйым салынды
Махмұд Сабырхан бауырына рингтегі басты ережені үйретті.
Әлем чемпионы Махмұд Сабырхан YouTube-тағы “Спорт Министрі” арнасына берген сұхбатында інісі — жас боксшы Төрехан Сабырханға қандай кеңес бергенін айтты.
“Ол — менің туған інім. Сондықтан күн сайын байланыстамыз. Қай қарсыласпен жұдырықтасатынын бақылап отырамын. Өзім білгенімді үйретіп келемін. Ересектер арасындағы боксқа ауысқанда ең бірінші айтқаным — ашық төбелеске баруға болмайды. Тек техника мен айла қажет. Алла қаласа, кеше өткен турнирде жеңіске жетті”, — деді Махмұд.
Төрехан Сабырхан Thailand Open-2025 турнирінің чемпионы атанды
1 маусым күні, Таиланд астанасы Бангкокта өткен Thailand Open-2025 халықаралық жарысында Торехан 70 келі салмақ дәрежесінде финалда өнер көрсетті. Ол өзбекстандық боксшы Мухаммадзизбек Исмоиловты 5:0 есебімен тас-талқан етіп жеңді.
Төрехан — Азия боксының жаңа үміті
Төрехан Сабырхан — Азияда жасөспірімдер мен жастар арасында төрт дүркін чемпион атанған алғашқы қазақстандық боксшы. Бұл — ел спорты тарихындағы айрықша жетістік.
Пікірлер
Пікір қалдыру уақытша жабық.
Әзірге пікір жоқ. Бірінші болыңыз.