Бүгін Будапешттегі дзюдодан әлем чемпионатында ерлер арасында 90 келіге дейін, ал әйелдер арасында 70 келіге дейінгі салмақта чемпиондар анықталады.
Қазақстан құрамасынан бүгінгі жарыс күні татамиге тек Мейірлан Максим шықты. 17 маусым, сейсенбі күні жеребенің қалауымен отандасымыз алғашқы айналымда әлемдік рейтингтің алтыншы сатысында тұрған Алексис Матьёмен (Франция) жолықты.
Әлемдік тізімде небәрі 49-орында тұрған қазақстандық спортшы тәжірибелі қарсыласынан еш кем түспеді. Жекпе-жектің соңында ол шешуші сәтте "юко" бағасын алып, жеңіске жетті. Бұл нәтиже – чемпионаттағы ең ірі сенсациялардың бірі болды.
